3. 《居英陋室》係乜環境？

《居英陋室》位於倫敦市嘅 Roehampton 區， 街口對到正倫敦歷史悠久嘅《瑪麗醫院》Queen Mary's Hospital ( 喂！唔係薄扶林道果間喎 )，街尾係寬廣翠綠嘅 Roehampton Golf Course 同埋全倫敦最巨型嘅公園 Richmond Park ( 裡面有野生嘅 red and fallow deer 鹿群 ) :

《居英陋室》係自置物業，本身係一個 3 層高，15 伙小型老人屋邨嘅地下單位，屬於典型傳統磚木結構 Brick and Block 嘅英式平房，不單止响前花園有獨立前門，無需出入屋邨大堂，個廳仲有度後門出入後花園添。《居英陋室》不但裡面 self-contained ，咩嘢都有，廳廚房廁，一應俱全，前後花園裡面仲綠草如茵，湯碗咁大朵嘅紅玫瑰爭相盛放，再加上三兩隻松鼠仔跳來跳去，六七 pair 開籠雀一唱一和，環境真係非常之咁優美。網友响度住佢三五七日，就可以悠悠然，他他條咁享受到傳统、地道同埋正宗，鳥語花香嘅英式家居生活之樂，絕非繁雜市區酒店裡面嘅白鴿籠房間有得揮嫁。


內有一廳 (12' 6" x 11' 2") :



一房 (12' 11" x 8' 11") :

一厨 (11' 3" x 6' 9") :

一廁 :



全屋室內面積合共 450 平方呎，相當於香港式計法嘅實用面積 600 平方呎，一廳一房，前花園有公用一遮一枱四櫈俾你 High Tea。


後花園出面係停車場，停車場出面就係屋邨大馬路嘅入口，行前門反而要多段路兜個彎，所以細佬一向貪方便，捨前門而用後門出入《居英陋室》嘞。





屈屈質質嘅酒店客房網友就住得多嘞，咁幽雅嘅花園洋房，網友又住過未呢？